|
SubscriptionsSites I Read
|
|
|
|
| 你好嗎？
啱啱認識嘅阿爺阿麻，你哋好嗎？
啱啱認識嘅阿公阿婆，你哋好嗎？
啱啱出世嘅老豆，你好嗎？
啱啱出世嘅阿媽，你好嗎？
一齊喺工廠做嘢嘅阿爸阿媽，你哋好嗎？
喺教堂行緊禮嘅阿爸阿媽，你哋好嗎？
啱啱出世嘅葉其汝，你好嗎？
跑輸咗嘅嗰幾億，你哋好嗎？
啱啱出世嘅葉其之，你好嗎？
葉其之出世嘅時候，四歲嘅葉其汝，你好嗎？
俾阿媽抱住受洗嘅Luke，你好嗎？
啱啱出世嘅林樂軒，你好嗎？
葉其之嘅幼稚園同學，你哋好嗎？
同葉其之一齊入同一間幼稚園嘅周延俊，你好嗎？
葉其之嘅主日學同學，你哋好嗎？
升小學嘅葉其之，你好嗎？
啱啱開始踢波嘅葉其之，你好嗎？
咁多年葉其之嘅足球教練、隊友，你哋好嗎？
葉其之嘅六年小學同學，你哋好嗎？
六年間俾葉其之激過、氹過開心嘅老師，你哋好嗎？
五年班因為唔舒服成日唔返學嘅葉其之，你好嗎？
五年班識到葉其之嘅吳焯豪，你好嗎？
考學能測驗嘅葉其之，你好嗎？
爭啲入唔到體藝嘅葉其之，你好嗎？
同葉其之玩過，玩過葉其之嘅同學，你哋好嗎？
七年間教過葉其之嘅老師，你哋好嗎？
立定志向要勤力啲讀書嘅葉其之，你好嗎？
啱啱識葉其之嘅林樂軒，你好嗎？
努力應付會考嘅葉其之，你好嗎？
開始離教嘅葉其之，你好嗎？
啱啱一齊嘅葉其之同林樂軒，你哋好嗎？
中六七喺學校玩到癲嘅七超，你哋好嗎？
考完高考嘅葉其之，你好嗎？
喺公開大學登記入學嘅葉其之，你好嗎？
喺迎新營認識葉其之嘅朋友，你哋好嗎？
葉其之嘅英文系同學，你哋好嗎？
葉其之嘅欖球教練、隊友，你哋好嗎？
喺學校對葉其之視而不見嘅朋友，你哋好嗎？
三年間教過葉其之嘅教授、講師、導師，你哋好嗎？
二零一零年三月十日嘅葉其之，你好嗎？
．．．．．．
考緊畢業試嘅葉其之同咁多位同學，你哋好嗎？
終於出嚟做嘢嘅葉其之，你好嗎？
喺葉其之畢業禮嘅阿爸阿媽，你哋好嗎？
碩士畢業嘅葉其之，你好嗎？
行緊禮嘅葉其之同林樂軒，你哋好嗎？
退咗休嘅葉其之同林樂軒，你哋好嗎？
八十歲都仲嚟探葉其之嘅吳焯豪同周延俊，你哋好嗎？
以上提及過，嚟到葉其之葬禮嘅，你哋好嗎？
輪迴緊嘅葉其之，你好嗎？
好．嗎？ | | |
| 一個人嘅深夜
Saturday, 30 January 2010 at 01:42
一點呢個時間對平時嘅我唔算係深夜，
但唔知做乜呢排慣咗八點幾就起身，
所以早咗瞓，
亦都令到呢個時候變成夜深。
平時喺呢個時候會同林樂軒傾電話，
但佢而家去咗旅行，
所以好似多咗小小時間咁。
聽日（30/1）要去面試，
其實應該要早啲去瞓，
就算唔係都應該溫下書睇下書，
但唔知做乜點解，
可能係因為iTunes咁啱跳到Norah Jones，
有一種懶洋洋嘅感覺之餘又唔想瞓覺住，
結果就想喺呢到打下嘢喇。
吹漲嘅係，
我淨係知道自己想打啲嘢，
唔知自己想打乜嘢。
咁就講下近況啦，
啱啱（終於）睇咗呂大樂嘅＜＜香港四代人＞＞，
對香港同香港人了解多咗，
明白到點解某啲人會喺某啲情況下會做某啲事；
但我仍然都係唔明，
點解民建聯咁無恥都仲會有咁多人支持佢？
有冇人可人答下我？
講開聽日去面試，
係呀要去教院見；
冇錯，
我係打算做老師，
仲已經去埋中大面試喇，
望就梗係望佢哋收我啦。
同埋，
我仲報埋汶萊個獎學金，
即係我近日口中嘅「婆羅乃」，
如果教育文憑唔收我而婆羅乃收我嘅話，
我分分鐘走過去做開荒牛。
但當然，
有可能兩面都唔收我，
咁點算？
搵工囉，
咁始終都要做嘢架嘛。
前路充滿好多未知之數，
但學我阿媽咁講，
順其自然啦，
做好自己嘅部分就係自己唯一應該做同可以做嘅嘢。
講開，
一路都覺得，
懂得「覺今是而昨非」係進步嘅象徵；
從前覺得自由市場資本主義就係最好，
但而家發現資本世界存在好多不公允，
令到我有機會諗番，
係唔係會有其他思派其實都係可行？
各位，
可能社會民主主義先係出路。
由要決定自己嘅前途，
同發覺自己有所進步，
呢兩種「外力」同「內力」都令我發覺，
我大個喇。
今日行過球場，
見到一個細我幾年嘅「o靚」仔，
由佢讀小學已經同佢踢波；
今年佢原來已經十八歲，
我由佢十歲睇到佢大到而家十八歲；
嗰一刻先發覺，
我今年二十二，
唔細喇。
我都幾好嘢架喎，
由唔知自己想打乜，
打打下就打咗咁多；
做人其實都好似咁，
好多時我哋都唔知自己想點做人，
但做下做下原來已經做咗好多年人。
呀，
都係有啲掛住林樂軒，
加上聽日都係會八點幾起身，
都係時候停手呌呌。
補充一句，
比頭先更加吹漲嘅係，
iTunes喺播完Norah Jones之後，
shuffle咗去尹光嘅＜＜少理阿爸＞＞，
吹漲乎？
真係要學阿甘講一句：
“Life's a box of chocolates. You never know what you're gonna get.”。
| | |
| 四年
Wednesday, 13 January 2010 at 03:01
四年，可能喺某啲人眼中係一段短時間；但我的確喺四年入面經歷咗唔少嘢。
從來都好少喺網上或者其他公開平台講情情塔塔嘅嘢，又或者氹女友開心，但係眼見我哋即將踏入第五年（21/1/2006 - ），所以都想喺呢到講小小嘢。
真係話咁快就四年，一向都以為自己會有好平淡好平淡嘅愛情，但呢幾年經歷過嘅都唔少。唔開心嘅事，係有，但都已經忘記咗同成為過去；相反，開心嘅事，更多，亦都已經好好珍惜。
多謝呢個人陪我度過開心嘅時候，戥我高興；更加感激呢個人陪我渡過失意嘅日子，支持我。如果真係有輪迴嘅話，佢上世一定欠咗我好多嘢；放心，呢一切佛陀都會見到，我都會銘記喺心中。
因為一啲事，我失去過佢；但又因為大家嘅心意，我又再次擁有佢。但經過呢次，我令自己知道要更加珍惜，更加愛惜，更加愛護身邊嘅呢一位；同時令我更加欣賞呢一個人，將一啲以前認為係缺點嘅性格同行為，都睇成美好嘅優點。
有人話，人要為自己尋找另一半；我唔知道呢一位係唔係就係所謂嘅另一半。我只係知道，佢係我需要同想要嘅一個人。
咁啱，喺我開始打呢篇嘢嘅時候，iTunes就shuffle到「至少還有你」，我就不斷重播住呢首歌嚟打呢篇嘢。
至少還有你。
| | |
| 這就是人生？
Monday, 30 November 2009 at 16:58
早日得知好友親人方於早前過身，消息來得突然，一時未能整合思緒。
剛（30／11）出席該先人的追思會，於歸程車途上方有餘暇為此事稍作反思。
生老病死是每人必經階段，此確為老掉牙的諺語，可笑的是大部份人都未能打破這哲理。四者當中，自身經歷了生、病二者；至於老、死，幸及此時尚可道出一句“我還年青”及“我仍尚在“
然而，除當事人外，此四者尚能為周遭的人、事帶來影響。
生，帶來歡樂；近鄰誕下麟兒，大派薑醋，替人高興之餘又能滿足口腹之欲；友人預產期進入倒數階段，眾人都萬二分期待。可是，生亦帶來煩憂，因養育一人確為極難事，豈可無憂？
老，帶來了擔憂；隨時日飛逝，每人每日都於巨輪下成長，於自身成長之時，驚見家中父母漸由中年步入老年，難掩心中唏噓，心中又有擔憂，深恐與父母相聚漸少，無以報答養育之恩，又恐兩人隨年歲增長而健康欠佳。簡言之，老者，憂也。
病，帶來了痛苦；病除令病者身體上受苦外，更是身邊人精神上的煎熬，這都出於解救病者於困厄之中的希冀，但又因自身的無能，方有一種無能為力的無奈感。但同時病又帶來珍惜；人的確十分有趣，往往要及至失去之時方懂婉惜、方懂後悔；惟至病時，人才意識到失去眼前人的危機，因而學會珍惜。
死，實為四者當中最複雜，一定程度上是因其蘊含的未知性及不確定性。有人說，死亡帶來解脫；人浮游於塵世中，勞碌半生，對某些人而言死亡引領著通往樂土之路；惜死亡又可能通往更痛苦之境地，此未知性引起的矛盾確令死亡既複雜又恐怖。又有說，死亡帶來悲傷；死亡令人於人間分別，確為悲傷，又因死亡的未知性，未知能否於未來再遇，增添一份憂懼。
十數年前外婆過身，至數年前乾外婆往生，及至近日朋友親人離世，均有不同體會。外婆離開時，仍未對死亡有清晰的概念，只見家母黯淡悲傷，方了解死亡是悲傷的事；及至乾外婆之時，由於向來知曉其過程，故對死亡有更新體會，這有可能是解脫，亦可以是一個重遇的機會（乾外公於更早的時間去世了）；及至近日，縱然與離世者關係未算密切，但經年由友人講述，實感非常婉惜。然而，是次為首次離開父母隻身出席此類場合，開始有感隨年歲增長，孤身面對生老病死會日益增長。
可能，此為成長的印證吧？
可能，此方為人生吧？ | | |
| 宗教之迷思
Wednesday, 18 November 2009 at 04:10
基於呢排睇緊啲有關宗教嘅書籍，同時又睇咗啲同宗教扯上關係嘅電影，加上啱先同朋友傾開呢方面嘅嘢，所以引起咗我對宗教、人生、以及兩者之間嘅關係嘅一啲反思。
（本身諗住用口語打呢篇嘢嘅，但離開咗中學之後就好少有機會可以訓練下啲文筆，所以都係用書面語啦）
--------------------------------------------------------------------------------------------------------------------------
著筆之初，本人先欲闡明宗教背景。小弟長於一天主教家庭，家母、兄長均為教徒；在下亦曾為一員，完成了三件入門聖事（註：天主教中有七件聖事，當中入門聖事佔三件），及後以探索真理為由，「叛宗離教」。現迷失於世界大觀園當中。
隨後，表達心中所感。小弟因二事心感榮幸；其一，生於天主教家庭，因該教實為筆者最欣賞之宗教，其組織及態度均令我懾服（因此下文所談及之宗教團體絕非天主教）。而且，生於具有宗教背景之家庭，確令我對宗教本義、宗教對人的影響及宗教之效用有更透徹之瞭解。其二，生為中國人（注意：絕非中共人）。因該身份，我能了解何謂中庸之道，亦能於生活中實現此人生大道理。
我認同宗教有一定的正面影響；首先，它提供人生的路向及態度，從而令人積極面對人生。其次，它能洗滌心靈，予人反思機會。再者，它可團結人群，化解紛爭，促進社會和諧。同時，它亦能充當解答世界問題的答案，令人樂於接受自身的不完全，安於現狀。
可惜，某些宗教團體之極端性卻令人不敢恭維。其「洗腦式」教誨令信徒迷失自我，此絕非宗教之本源，如人要為宗教迷失自我，何以要有能思考的腦袋？同時，小弟深信宗教關乎人內心之信念，因此鍥而不捨的傳教方式似乎並非合適。在下現望眾主流及非主流宗教均能取其中庸之道。
家母為一虔誠教徒，她當然希望自己身邊的人都能踏進這片神的樂土，因此本人之離教確令她失望。惜在下現時尚未能再次成為教徒，原因有二：首先，本人對教義的疑問及懷疑仍舊存在；其次，本人以探索真理為由離教，如再次入教即認同世界有不能解釋的問題存在，要以神的存在解釋世界，亦即探求失敗；俗套地說，在下不欲於此人生起步階段「認輸」，因此，我選擇繼續迷失於大觀園中。
本文只為表達本人對宗教之愚見，非為挑起罵戰。如有非議者，請作忍讓，並原諒筆者之愚昧。
葉其之
二零零九年十一月十八日 | | |
|
